Oiches

Diiiga- expresa ela o descolgar a falante.

¡oiches, son o María.

E serás, pero... ¿que María? ¿ a filla da Porca? ¿A que nunca se lava e tanto engorda?

Oíches, tampouco te queimes comigo e.

Non muller, pero e que me parece moi raro o que ti me fales, se cando paso pola túa porta mírasme de esguello coma se fose o mesmo Demo.

 ¡Ben muller¡ ¡ oíches! E que merquei un deses diaños de ordeñador.

¿Para as bacas?

Non muller, para iso das letras e do internete ese.

Entón daquela será un ordenador.

E será, se ti o dis que entendes máis que eu. E que agora pódoche mandar un emilio dises  e aforro o dos selos de correo. E que agora as cartas como que xa non se levan.

E non levaran muller.¿pero e  poderás con il?

Tampouco e mester levalo o lombo, e que  teño que aprender formatica como sexa, oíches.

Oín nena, que malo será logo.

Deste xeito enche de mandar as afotos do Entroido deste ano para que as vexas . tiña unha cara do Demo alí en Laza.

Ben, e que esa ti tela sempre aínda que non sexa nos carnavais, espetoulle polo baixo aquela verme de meiga.

 Pero oíches,¿ dixeches algo?

Non muller, e que se torce o fío e rachase a fala.

Ai de ser , e que con estes trebellos de falar, ai que poñer moito xeito, que se te moves se ve que pérdese  cobertor.

Será cobertura muller.

E será, e que doutras cousas non entenderei, pero disto menos aínda.

Claro, o mesmo que do ordeñador.

Decias...

Nada, debe ser ese vento das Farrapas que lle da moi forte e fai ruxidos raros.

 Esfarapete o Demo que te leve, se ti so es unha lercha e de seguro que despois iras por ai raxando de min, que non es de fiar.

¿E ti tampouco,  logo para que me contas?

 Eu tampouco pa non ser menos. Pero íache dicindo, este trebello de falar tamén ten o de retratar e facer cine.

Muller será facer vídeos.

E será, e que o outro día mentres cagabas nos couceiros estíbente a gradar ¿sabes?

Pero muller, sería gravar.

E será, así que dinllo a filla e díxome que era para escachizarse coa risa, que o pendurou no tube ese e que o visitaron moitos de moi lonxe. Iso non chego a entendelo, que polo fío poda voar tan axiña.

Será  woutuve – pero reacciona e dille- Ai cómate o Demo. ¿Non te atreverías a facelo? Deixa estar as cousas de merda sen espallalas, que non e mester  que anden ceibas polo mundo e véndome o cu.

E...  ¿metinche o  medo no corpo? Pois,  podes falar ben de min se non queres que aconteza .

 A nai que te fixo, e esta miñoca de muller,  a pouco que lle poñen un trebello nas más volvese tola.

E que o medo garda a viña

ou deixas de cagar a fora

que non te vexa a veciña

ou mellor troques de hora

facendo contra anoitiña